सोलापूर –
अतिवृष्टी आणि पूरस्थितीमुळे सिना नदीकाठच्या शेतकऱ्यांचे मोठ्या प्रमाणावर नुकसान झाले आहे. जनावरांसाठी चाऱ्याची तीव्र टंचाई निर्माण झालेल्या पार्श्वभूमीवर शेतकऱ्यांना दिलासा देण्यासाठी आमदार गोपीचंद पडळकर यांनी पुढाकार घेत ५० वाहने भरून चाऱ्याची व्यवस्था केली आहे.
हा चारा मोहोळ आणि माढा तालुक्यातील पूरग्रस्त गावांमध्ये पोहोचविण्यात येत असून, आज पंढरपूर येथून ४५ वाहने राज्याचे ग्रामविकास मंत्री व सोलापूर जिल्ह्याचे पालकमंत्री मा. श्री. जयकुमार गोरे यांच्या उपस्थितीत रवाना झाली.
या उपक्रमात संदीप आबा गिड्डे पाटील, माऊली हळणवर आणि मल्हार कोळेकर यांनी समन्वय साधत चाऱ्याची वाहतूक आणि वितरणाची जबाबदारी स्वीकारली आहे.
या मदतीचा लाभ भोयरे, आष्टे, पोफळे, साबळेवाडी, कोळेगाव (येळेवस्ती, काळेवस्ती), वडवळ, रामहिंगणी, नांदगाव, उंदरगाव, केवड, कुंभेंज, खैराव, नायकुडे वस्ती या भागांतील शेतकरी व जनावरांना मिळणार आहे.
ही केवळ चाऱ्याची वाहतूक नसून, शेतकऱ्यांच्या वेदनांना दिलासा देणारी आणि जनावरांच्या जगण्याला आशा देणारी संवेदनशीलतेची यात्रा आहे.
#ओलादुष्काळ #अजितपवार #शेतकरीआत्महत्या #राष्ट्रभक्तीन्यूज #तत्काळमदतकरा #ढगफुटी #देवेंद्रफडणवीस #सोलापूरकर #सोलापूर #JaykumarGore | #GopichandPadalkar | #Solapur | #Maharashtra | #माढा | #मोहोळ | #शेतकरीहित | #चारा_मदत |
