मार्डी दिनांक :16/09/2025
सोलापूर जिल्ह्यातील प्रसिद्ध श्री क्षेत्र मार्डी यमाई देवी मंदिरात भक्तांसाठीच्या मूलभूत सुविधेसाठी कोट्यवधी रुपये खर्च करून भक्तनिवास व शौचालय,स्वयंपाक गृह, बांधले पण त्याची स्थिती आज अत्यंत बिकट आहे की, गेल्या वर्षी नवरात्रात मंदिरात निवास करणाऱ्या भक्तांना उघड्यावरच शौचासाठी बसण्यासारखे अत्यावश्यक कृत्याला सामोरे जावे लागले होते. ही अत्यंत लाजिरवाणी आणि बिकट परिस्थिती पुन्हा येणाऱ्या नवरात्रात टाळली पाहिजे, अशी मागणी भाविक भक्तगण करत आहेत.
गेल्या वर्षी नवरात्रादरम्यान, नऊ दिवस मंदिरात राहून उपवास आणि साधना करणाऱ्या महिला आणि पुरुष भाविक भक्तांना अत्यंत अवघड परिस्थितीचा सामना करावा लागला होता. मंदिरातील भक्तनिवासात शौचालये पूर्णतः बंद आणि वापरायला अयोग्य असल्याने, भक्तांना रोजसरोजच्या अत्यावश्यक विधी कृत्यांसाठीही मंदिराच्या आजूबाजूला व मंदिराच्या मागच्या बाजूस, उघड्यात, सार्वजनिकरित्या जावे लागत होते. स्त्रियांना विशेषतःउघड्यावर शोच्यास जाणे, अंघोळ करणे व अंघोळ केल्यानंतर उघड्यावरच आडोशाला कपडे परिधान करावे लागत होते यामुळे मोठ्या प्रमाणात नाहक त्रास सहन करावा लागला होता. महिला व पुरुष भाविक म्हणाले “नवरात्रातील पवित्रता आणि श्रद्धा टिकवण्यासाठी आम्ही हा सर्व नाहक त्रास सहन करत आहोत, पण आजच्या आधुनिक काळात अशा प्रकारे उघड्यावर अत्यावश्यक कृत्ये करणे हे अत्यंत लाजिरवाणी गोष्ट आहे असल्याचे ते म्हणाले
त्याचबरोबर, भक्तांच्या मते, “आमची श्रद्धा खोलवर रुजलेली आहे, म्हणूनच आम्ही अशा नाहक त्रासांना डटून सामोरे गेलो. पण आधुनिक काळात, इतक्या मोठ्या संख्येने भक्तांसाठी मूलभूत सुविधांची सोय सरकार करत आहे. पण मंदिर प्रशासन ,स्थानिक प्रशासन,धर्मादाय आयुक्त देखील या संविधान कडे दुर्लक्ष करत आहे ही मोठी शोकांतिकेची बाब असल्याचे ते बोलत होतो
या बाबतीत मंदिर समितीकडे भक्तांनी व राष्ट्रभक्ती न्यूज संपादक सागर मुडके यांनी या बाबतीत पुजाऱ्यांशी पाठपुरावा देखील केला होता, तरीही गेल्या वर्षी पासून कोणतीही सुधारणा केलेली नाही. रस्ता, भक्तनिवास, भक्तनिवास मध्ये कसलीही लाईटची सुविधा नाही ,बाथरूम, शौचालये आणि स्वयंपाकघर अजूनही मागासलेल्या व अत्यंत बिकट अवस्थेतच आहेत.
येणाऱ्या नवरात्रापूर्वी ही परिस्थिती सुधारण्यासाठी धर्मादाय आयुक्त आणि मंदिर प्रशासनाने व यात्रा कमिटी स्थानिक प्रशासनाने तातडीने पावले उचलावीत, अशी अपेक्षा सर्व भक्त गण मधून व्यक्त केली जात आहे. “आम्ही नऊ दिवस नवरात्रात मंदिरा मध्ये आरात बसण्यासाठी व आराधना करण्यासाठी आम्ही मंदिरात नऊ दिवस राहतो व देवीची भक्ती करतो नामस्मरण करतो, पण मंदिरात राहणाऱ्या भाविकांच्या सुविधेचीही अपेक्षा आहे,” असे भाविक वृद्ध भक्तगण म्हणाले.
